لکی مروت میں دھماکا، دو بھائی ہلاک، 3 زخمی

لکی مروت (نمائندہ ڈیلی اردو) صوبہ خیبر پختونخوا کے ضلع لکی مروت میں ایک دھماکے کے نتیجے میں 2 بھائی ہلاک اور 3 زخمی ہوگئے۔

پولیس کے مطابق لکی مروت میں تھانہ برگی کے علاقہ اوژاکئی میں ایک ہی خاندان کے 5 افراد دھماکے کی زد میں آ گئے جس میں 2 بھائی موقع پرہی ہلاک اور خاندان کے 3 افراد شدید زخمی ہوگئے۔

پولیس حکام کا کہنا ہے کہ زخمیوں کو ہسپتال منتقل کردیا گیا، دھماکے میں ہلاک ہونے والوں میں دو بھائی 17 سالہ سعید زمان اور 5 سالہ امان اللہ شامل ہیں۔

جبکہ زخمیوں میں نیاز گل اور اس کی بیوی اور 9 سالہ جاسم خان شامل ہے۔

پولیس ذرائع کا کہنا ہے کہ بم کھیتوں میں چھپائے گئے آئی ای ڈی کا ہوسکتا ہے۔ تاہم تحقیقات جاری ہے۔