مردان: بھارتی ایجنسی ’را‘ اور افغان خفیہ ایجنسی ’این ڈی ایس‘ کے 2 دہشت گرد گرفتار

پشاور (بیورو رپورٹ) کاؤنٹر ٹیرازم ڈیپارٹمنٹ پشاور اور مردان ریجن پولیس نے مشترکہ کارروائی کرتے ہوئے سال 2016 میں مردان کچہری خودکش دھما کہ میں ملوث دو دہشتگردوں کو گرفتار کر کے مارٹر گولے، پستول اور ہینڈ گر نیڈ بر آمد کر لئے۔

کاؤنٹر ٹیرازم ڈیپارٹمنٹ پشاور پولیس کے مطابق گزشتہ روز اطلاع ملی کہ دہشت گردی کی وارداتوں میں ملوث ملزمان شبقدر کے علاقے میں موجود ہیں۔

محکمہ انسداد دہشتگردی مردان ریجن کی کاروائی,سال 2016 میں مردان کچہری خودکش دھماکے کا مرکزی ملزم واخر بمعہ ساتھی دہشتگرد گرفتار,مذکورہ دہشتگرد سی ٹی ڈی مردان کو دیگر مقدمات میں بھی مطلوب تھا۔دہشتگردوں کے قبضے سے اسلحہ اور گولا بارود برآمد،دونوں دہشتگردوں کا تعلق RAW اور NDS سے ہے۔ pic.twitter.com/nJJ809G37A

— KP Police (@KP_Police1) May 18, 2021

جس پر سی ٹی ڈی پولیس پشاور اور مردان ریجن پولیس نے کارروا ئی کرتے ہوئے دہشتگرد واخر خان ولد اکبر خان عرف الف خان سکنہ سرو کلے چارسدہ اور اسکے ساتھی محمد رازق ولد امیر خان سکنہ یوسف خان کلے تنگی کو گرفتار کر کے انکے قبضے سے ایک عدد پستول، کارتوس، تین عدد ماٹر گولے، ایک کلو گرام بارودی مواد، ایک عدد ہینڈ گرنیڈ بر آمد کرلئے۔

دونوں دہشت گردوں کا تعلق بھارتی خفیہ ایجنسی (را) اور افغان خفیہ ایجنسی (این ڈی ایس) سے ہیں۔