مغربی کنارے میں اسرائیلی فوجیوں کے ہاتھوں فلسطینی خاتون ہلاک

رم اللہ (ڈیلی اردو/شِنہوا) مغربی کنارے کے جنوبی شہر الخلیل میں العروب پناہ گزین کیمپ کے قریب اسرائیلی فوج کی ایک چوکی پراسرائیلی فوجیوں نے ایک فلسطینی خاتون کو قتل کر دیا ہے۔

BREAKING: 31-year-old Palestinian woman Ghufran WRasna was shot dead by Israeli occupation forces at the entrance to Al-Aroub refugee camp, north of Hebron. pic.twitter.com/R7INNw5UQM

— PALESTINE ONLINE ???????? (@OnlinePalEng) June 1, 2022

فلسطین کی وزارت صحت نے بدھ کے روزبتایا کہ مہاجر کیمپ سے تعلق رکھنے والی 29 سالہ خاتون غفران وارسنہ کو چوکی پر تعینات اسرائیلی فوجیوں نے سینے میں گولی ماری جس سے وہ جان کی بازی ہار گئی۔

lsrael killed a 31-year-old Palestinian woman today in the West Bank, Palestine. https://t.co/7GCVfUabWb

— Muhammad Smiry ???????? (@MuhammadSmiry) June 1, 2022

اسرائیلی میڈیا نے اپنی خبر میں کہا ہے کہ چوکی پر تعینات اسرائیلی فوجیوں نے غفران وارسنہ پر اس وقت فائرنگ کی جب وہ ان فوجیوں میں سے ایک پر چاقو سے حملہ کرنے کی کوشش کر رہی تھی۔

جنوری میں اسرائیلی فوج نے غفران وارسنہ کو اس کے گھر سے گرفتار کر لیا تھا۔ اسرائیل کی ایک فوجی عدالت نے اسے اسرائیل کیخلاف اکسانے اور سرگرمیاں انجام دینے کے الزام میں 3 ماہ قید کی سزا سنائی تھی۔

مقامی ذرائع نے بتایا کہ غفران وارسنہ نے صحافت کی تعلیم حاصل کر رکھی تھی اور وہ مغربی کنارے کے جنوبی علاقے کے ایک مقامی ریڈیو اسٹیشن کیلئے نیوز رپورٹر کے طور پر کام کرتی تھی۔