مقتول پروفیسر خالد حمید کے بیٹے کی جان کو خطرہ

بہاولپور (نیوز ڈیسک) بہاولپور پولیس کی طرف سے گورنمنٹ صادق ایجرٹن کالج کے شعبہ انگریزی کے پروفیسر کے قتل کی تفتیش جاری ہے، مقتول کے بیٹے نے اپنی جان کے خطرے کے خدشے کا اظہار کیاہے۔جمعرات کو گرفتار ملزم خطیب حسین کو جسمانی ریمانڈ کے لیے انسدادِ دہشت گردی کی عدالت میں پیش کیا گیا جہاں عدالت نے 15روزہ جسمانی ریمانڈ پر پولیس کے حوالے کر دیاہے،

گورنمنٹ صادق ایجرٹن کالج بہاولپور کے شعبہ انگریزی کے پروفیسر خالد حمید کے قتل پر ان کے اہل خانہ اور طلبہ غم سے نڈھال ہیں۔ مقتول پروفیسر کے بیٹے ولید خان نے والد کے قتل کے ملزمان کو کیفر کردار تک پہنچانے کا مطالبہ کیا ہے۔

ولید خان نے خدشہ ظاہر کیا ہے کہ ان کی اپنی زندگی بھی خطرے میں ہے۔ مقتول پروفیسر کے بیٹے ولید خان کی مدعیت میں ملزم خطیب حسین کے خلاف مقدمہ درج کیا گیا ہے۔