میکسیکو میں فیمینسٹ مارچ میں خاتون میئر پر فائرنگ، خاتون سمیت 3 افراد ہلاک

میکسیکو (ڈیلی اردو) میکسیکو میں خواتین پر تشدد کیخلاف عالمی دن کے موقع پر نکالی جانے والی ریلی میں شریک خاتون میئر پر نامعلوم مسلح افراد نے فائرنگ کردی جس کے نتیجے میں اُن کے دو محافظ اور ایک خاتون ہلاک ہوگئیں۔

Las tres personas sin vida fueron identificadas, los dos hombres como guardias de seguridad de la alcaldesa de Guaymas, Karla Córdova, y la fémina que era parte del contingente que se manifestaba frente a Palacio Municipal. https://t.co/TdgJPkdHan

— La Jornada (@lajornadaonline) November 26, 2021

عالمی خبر رساں ادارے کے مطابق میکسیکو میں خواتین پر تشدد کی روک تھام کے عالمی دن پر گوائیماس شہر میں ایک ریلی نکالی گئی جس میں شہر کی خاتون میئر کارلا کورڈووا نے بھی شرکت کی جو ملک بھر میں خاتون کے حقوق کی توانا آواز سمجھی جاتی ہیں۔

مارچ کے دوران نامعلوم مسلح افراد نے ریلی میں داخل ہوکر میئر پر فائرنگ کی کوشش جسے ناکام بنانے کی کوشش کے دوران کارلا کورڈووا کے دو محافظ ہلاک ہوگئے جب کہ ریلی میں شریک ایک خاتون بھی فائرنگ کی زد میں آکر جان کی بازی ہار گئیں۔

تاحال کسی شدت پسند تنظیم نے میئر پر حملے کی ذمہ داری قبول نہیں کی ہے تاہم اس شہر میں منشیات فروش اور جرائم پیشہ افراد سرگرم ہیں اور اپنی راہ میں رکاوٹ بننے والے سرکاری عہدیداروں کو نشانہ بناتے ہیں۔