ناروے میں فوجی طیارہ گر کر تباہ، چار امریکی فوجی ہلاک

اوسلو (ڈیلی اردو) ناروے میں امریکی فوجی طیارہ گر کر تباہ ہوگیا جس کے نتیجے میں 4 اہلکار ہلاک ہوگئے۔

اطلاعات کے مطابق ناروے میں گرنے والا امریکی فوجی طیارہ نیٹو فورسز کی تربیتی مشقوں میں شریک تھا۔

Four U.S. Marines were killed when their MV-22B Osprey aircraft crashed in northern Norway during a military training exercise, Norwegian police said on Saturday. https://t.co/LX29lLE3Ya

— The New York Times (@nytimes) March 19, 2022

جنگی طیارے پر خاتون سمیت امریکی فوج کے 4 اہلکار سوار تھے۔

ان مشقوں میں نیٹو اور رکن ممالک کے 30 ہزار کے قریب فوجی شرکت کر رہے ہیں۔

مشقوں میں 200 لڑاکا طیارے اور 50 جنگی جہاز حصہ لے رہے ہیں جو 11 اپریل تک جاری رہیں گے۔

رپورٹ کے مطابق امریکی میرین کور کا طیارہ V-22B جمعے کی شام کو لاپتہ ہوا جو بعد میں نارلینڈ کاؤنٹی میں تباہ شدہ حالت میں پایا گیا۔

حکام نے طیارے میں سوار چاروں امریکی اہلکاروں کی ہلاکت کی تصدیق کی ہے۔