18/November/2026

نتن یاہو نے فوجی قیادت کو بتائے بغیر موساد کو ایران میں خفیہ کارروائی کی تیاری کا حکم دے دیا

👁️ 151 بار دیکھا گیا

ایڈمن
امریکا
نتن یاہو نے فوجی قیادت کو بتائے بغیر موساد کو ایران میں خفیہ کارروائی کی تیاری کا حکم دے دیا

نتن یاہو نے فوجی قیادت کو بتائے بغیر موساد کو ایران میں خفیہ کارروائی کی تیاری کا حکم دے دیا

تل ابیب (ڈیلی اردو): امریکی اخبار واشنگٹن پوسٹ نے اپنی رپورٹ میں دعویٰ کیا ہے کہ اسرائیلی وزیر اعظم بنیامین نتن یاہو نے خفیہ ایجنسی موساد کے سربراہ رومن گوفمان کو ایران کے اندر ایک خفیہ کارروائی کی تیاری کا حکم دے دیا ہے، اور یہ فیصلہ فوجی قیادت اور کابینہ کو بتائے بغیر کیا گیا۔

اخبار کے مطابق نتن یاہو کی یہ ہدایت ایسے وقت سامنے آئی ہے جب فوجی قیادت ایران کے خلاف نئے حملوں پر تحفظات رکھتی ہے اور اسے خدشہ ہے کہ اس سے نئی جنگ چھڑ سکتی ہے جس میں امریکہ بھی گھسٹ سکتا ہے۔ رپورٹ میں چار باخبر ذرائع کے حوالے سے کہا گیا ہے کہ اپوزیشن رہنماؤں کو تشویش ہے کہ نتن یاہو عہدے پر برقرار رہنے کے لیے ایران کے ساتھ جنگ کو دوبارہ بھڑکا سکتے ہیں۔

رپورٹ میں یہ بھی کہا گیا ہے کہ سابق فوجی سربراہ گادی آئزن کوٹ نے حالیہ دنوں میں نتن یاہو کو خبردار کیا ہے کہ وہ ایسے احکامات نہ دیں جن سے تہران اشتعال میں آئے۔ آئزن کوٹ کو نئی حکومت بنانے کے لیے 20 دسمبر تک کی مہلت ملی ہوئی ہے۔

دوسری جانب ایک اسرائیلی سکیورٹی عہدیدار نے اس خبر کی تردید کرتے ہوئے کہا ہے کہ نتن یاہو اور موساد سربراہ نے فوج کو بتائے بغیر کسی خفیہ کارروائی کی منصوبہ بندی نہیں کی، اور اس دعوے کو "جھوٹا الزام" قرار دیا ہے۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C