نمروز میں طالبان کا سیکیورٹی چیک پوسٹ پر حملہ، 20 اہلکار ہلاک، متعدد اغوا

کابل (ڈیلی اردو) افغان صوبے نمروز میں سیکورٹی فورسز پر طالبان کے حملے کے نتیجے میں 20 اہلکار ہلاک ہوگئے۔

افغان میڈیا کے مطابق صوبے نمروز کی فوجی چیک پوسٹ پر درجن بھر موٹر سائیکل سوار طالبان جنگوؤں نے دھاوا بول دیا، طالبان کے حملے میں 20 اہلکار ہلاک ہوگئے جب کہ افغان فوج کے ترجمان نے بھی جوابی کارروائی میں طالبان جنگجؤں کی ہلاکت کا دعویٰ کیا ہے۔

Breaking – At least 20 army soldiers were killed in a Taliban attack on their outpost in Khashrod district, Nimroz province, on Thursday evening, said Jalil Ahmad Watandost, the district governor of Khashrod. pic.twitter.com/XdZIBTh1QC

— TOLOnews (@TOLOnews) October 23, 2020

طالبان دہشت گردوں نے 6 اہلکاروں کو اغوا کرلیا اور جاتے ہوئے افغان فوج کا اسلحہ اور گاڑی بھی اپنے ہمراہ لے گئے۔ افغان آرمی نے اپنے اہلکاروں کی بازیابی کے لیے قریبی علاقوں میں سرچ آپریشن کا آغاز کردیا ہے۔

طالبان کے حملے کے بعد علاقے میں سیکورٹی فورسز کی بھاری نفری کو طلب کرلیا گیا اور آس پاس کے علاقوں میں دہشت گردوں کی تلاش کے لیے چھاپے بھی مارے جارہے ہیں جبکہ حملے کہ ذمے داری طالبان کی جانب سے قبول کرلی گئی ہے۔

طالبان کے حملے کو گزشتہ روز کے افغان فوج کے ایک مدرسہ پر فضائی حملے کا ردعمل گردانا جارہا ہے جس کے نتیجے میں 11 بچے اور وہاں قرآن کی تعلیم دینے والے قاری ہلاک ہوگئے تھے۔

واضح رہے کہ دوحہ میں کابل حکومت اور طالبان کے درمیان امن مذاکرات کے باوجود تاحال امن قائم نہیں ہوسکا ہے اور دونوں جانب سے پرتشدد کارروائیاں جاری ہیں۔