وائٹ ہاؤس طالبان کے ساتھ امن معاہدے کیلئے تیار ہے: امریکی صدر

واشنگٹن (ڈیلی اردو/نیوز ایجنسی) وائٹ ہائوس طالبان کے ساتھ امن معاہدے کے لیے تیار ہوگیا‘ امریکی صدر نے اپنے ٹوئٹ میں کہا ہے کہ بہتر مستقبل کے لیے 19 سال سے جاری جنگ کے دونوں حریف اب ایک معاہدے کی جانب بڑھ رہے ہیں‘۔

امریکی صدر ڈونلڈ ٹرمپ کی زیرصدارت اجلاس ہوا۔ امکان ہے کہ زلمے خلیل زاد امن معاہدے کو حتمی شکل دینے کے لیے رواں ہفتے ہی قطر جائیں گے۔

تفصیلات کے مطابق صدر ڈونلڈ ٹرمپ نے افغانستان میں طالبان کے ساتھ امن معاہدے کی تیاری کا اشارہ دے دیا ہے۔

امریکی نشریاتی ادارے کے مطابق صدر ڈونلڈ ٹرمپ کی زیر صدارت امریکا کی اعلیٰ سیاسی و عسکری قیادت کا اجلاس ہوا جس میں افغانستان سے امریکی فوج کی واپسی اور طالبان سے امن معاہدے پر غور کیا گیا۔

امریکی میڈیا کے مطابق صدر ٹرمپ نے اجلاس میں طالبان کے ساتھ امن معاہدے کی تیاری کا بھی اشارہ دیا۔ اس حوالے سے امکان ظاہر کیا جا رہا ہے کہ امریکا کے نمائندہ خصوصی برائے افغان امن عمل زلمے خلیل زاد امن معاہدے کو حتمی شکل دینے کے لیے رواں ہفتے ہی قطر جائیں گے۔

اجلاس کے دوران امریکا کے سیکرٹری اسٹیٹ مائیک پومپیو اور قومی سلامتی ٹیم کے دیگر اراکین نے صدر ڈونلڈ ٹرمپ کو افغان امن عمل پر بریفنگ دی‘۔

بعد ازاں انہوں نے کہا کہ ہم ڈونلڈ ٹرمپ کی سربراہی میں جانفشانی کے ساتھ آگے کی جانب بڑھ رہے ہیں۔

Just completed a very good meeting on Afghanistan. Many on the opposite side of this 19 year war, and us, are looking to make a deal – if possible!

— Donald J. Trump (@realDonaldTrump) August 16, 2019

اعلیٰ اجلاس کے بعد ویب سائٹ پر ٹوئٹ کرتے ہوئے امریکی صدر ڈونلڈ ٹرمپ کا کہنا تھا کہ 19 سال سے جاری جنگ کے دونوں حریف اب ایک معاہدے کی جانب دیکھ رہے ہیں۔