وزیراعظم عمران خان نے کراچی کی صورتحال کا نوٹس لے لیا

اسلام آباد (ویب ڈیسک) وزیراعظم عمران خان نے کراچی کی صورتحال کا نوٹس لیتے ہوئے پاکستان تحریک انصاف (پی ٹی آئی )کراچی کےاراکین اسمبلی کواپنے اپنے حلقوں میں رہنےکی ہدایت کر دی۔

کراچی میں گزشتہ دو روز کے دوران شدید بارش کے باعث اکثر علاقوں سڑکیں اورگلیاں تالاب کا منظر پیش کر رہی ہیں جبکہ شہر قائد میں بارش کے دوران کرنٹ لگنے اور دیگر حادثات میں 14 افراد جاں بحق ہوئے۔

بارش کے دوران شہر کے بیشتر علاقوں میں بجلی بھی بند ہے اور شہری اور صوبائی حکومت کے ساتھ ساتھ بجلی کی ترسیل کاادارہ کے الیکٹرک بھی شہریوں کو ریلیف فراہم کرنے میں ناکام ہو چکا ہے۔

I have directed all MNAs/MPAs of Karachi to be in their constituencies throughout Eid & Independence Day holidays & provide all assistance to the ppl. The Federal Govt is drafting a comprehensive package to end the decades of neglect & suffering of the ppl of this gt metropolis.

— Imran Khan (@ImranKhanPTI) August 12, 2019

وزیراعظم عمران خان نے شہر کی صورتحال کا نوٹس لیتے ہوئے پی ٹی آئی کےتمام ارکان اسمبلی کوعید اوریوم آزادی پر اپنے حلقوں میں رہنے اور عوام کی ہر ممکن مدد، تعاون کی ہدایت کی ہے۔

عمران خان کے مطابق کراچی کےشہریوں کوکئی دہائیوں تک نظر انداز کیا گیا اور وہ اب مشکلات کا سامنا کر رہے، وفاقی حکومت کراچی کے دہائیوں پرانے مسائل کے حل کے لیے جامع پیکج بنا رہی ہے۔