ٹانک میں گومل پولیس اسٹیشن پر دہشت گردوں کا حملہ، ایس ایچ او شدید زخمی

ٹانک (نمائندہ ڈیلی اردو) خیبرپختونخوا کے ضلع ٹانک میں پولیس اسٹیشن گومل پر دہشت گردوں کی جانب سے حملہ ہوا ہے۔

تفصیلات کے مطابق پولیس اسٹیشن گومل پر رات گئے دہشت گردوں نے چاروں اطراف سے چھوٹے اور بھاری ہتھیاروں سے حملہ کرکے پولیس اسٹیشن کے اندر داخل ہونے کی کوشش کی، پولیس کی جانب سے بروقت جواب سے شرپسند عناصر اپنے ناپاک عزائم میں ناکام ہوگئے۔

https://twitter.com/ShabbirTuri/status/1715690908807782463?t=DFGqVn2CU9KDdtqYNZ7Yuw&s=19

پولیس کے مطابق پولیس اور دہشت گردوں کے درمیان فائرنگ کا تبادلہ کافی دیر تک جاری رہا، دہشت گردوں کے ساتھ فائرنگ کے تبادلے میں ایس ایچ او تھانہ گومل اصغر خان وزیر گردن پر گولی لگنے سے شدید زخمی ہوئے، جس کو علاج کیلئے سی ایم ایچ ہسپتال ڈیرہ اسماعیل خان منتقل کردیا گیا ہے۔

ٹانک کے علاقے گومل میں واقع پولیس تھانے پر نامعلوم دہشت گردوں نے حملہ کردیا، حملے میں ایس ایچ او اصغر وزیر زخمی ہوگئے۔

پولیس حکام نے بتایا کہ حملہ آوروں کی جانب سے بھاری ہتھیار استعمال کئے گئے، تاہم پولیس کی جوابی کارروائی دہشت گرد فرار ہونے پر مجبور ہوگئے۔

پولیس کے مطابق واقعے کی اطلاع ملتے ہی پولیس بھاری نفری جائے وقوعہ پر پہنچ گئی، اور زخمی ایس ایچ او اصغر کو سی ایم ایچ ڈی آئی خان روانہ کردیا گیا، جب کہ علاقے سے سرچ آپریشن شروع کردیا گیا ہے۔