پاکستان نے چار بھارتی شہریوں کو دہشتگردوں کی فہرست میں شامل کردیا

اسلام آباد (ڈیلی اردو) پاکستان نے چار بھارتی شہریوں کو دہشتگردوں کی فہرست میں شامل کر دیا۔

ترجمان دفتر خارجہ کے مطابق، پاکستان نے بھارتی دہشتگردوں سے متعلق اقوام متحدہ کو آگاہ کر دیا، وینو مادھا ڈونگارا، ایجوئے مسٹری، گوبندھا پٹنائیک اور انگارا آپا جی کو دہشتگرد قرار دیا گیا ہے۔

ترجمان دفتر خارجہ نے کہا کہ چاروں افراد کالعدم تنظیم تحریک طالبان پاکستان، کالعدم تنظیم جماعت الاحرار اور دیگر دہشتگرد گروہوں سے منسلک ہیں، پاکستان نے بھارتی دہشتگردوں کو عالمی فہرست میں شامل کرنے کیلئے یو این کو 2019 میں خط لکھا۔

ترجمان دفتر خارجہ نے بتایا کہ وینو مادھا ڈونگارا کو دہشتگرد قرار دینے پر اعتراض کیا گیا، امید ہے دیگر تینوں نام اقوام متحدہ کی پابندی لسٹ میں شامل کئے جائیں گے۔