پنجاب: بھکر سے لشکر جھنگوی کا انتہائی مطلوب دہشت گرد گرفتار

اسلام آباد (ع ش) صوبہ پنجاب کے ضلع بھکر میں کاؤنٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے کالعدم تنظیم لشکر جھنگوی کا انتہائی مطلوب دہشت گرد کو گرفتار کر لیا۔

تفصیلات کے مطابق بھکر میں سی ٹی ڈی نے کارروائی کرتے ہوئے لشکر جھنگوی کا انتہائی مطلوب دہشت گرد ابوذر کو گرفتار کر کے اسلحہ برآمد کر لیا۔

سی ٹی ڈی ذرائع نے بتایا کہ گرفتار دہشت گرد کا تعلق کالعدم لشکر جھنگوی سے ہے، ملزمان کا ہدف سکیورٹی اداروں، پولیس اور شیعہ مسلک کے مذہبی افراد تھے۔

ملزم نے دوران تفتیش متعدد ٹارگٹ کلنگ کی وارداتوں کا اعتراف کیا۔

گرفتار ملزم سے اسلحہ بھی برآمد ہوا ہے۔ ملزم کو تفتیش کے لئے نامعلوم مقام پر منتقل کردیا ہے۔ ملزم سے مزید اہم انکشافات متوقع ہیں۔