پنجاب میں شیعہ ٹارگٹ کلنگ کے واقعات میں اضافہ

اسلام آباد (ش ح ط) صوبہ پنجاب میں حالیہ دنوں میں شیعہ ٹارگٹ کلنگ کے واقعات میں اضافہ دیکھا گیا ہے۔ ضلع فیصل آباد کی تحصیل جڑانوالہ کی تحصیل کے چک نمبر 376 (گ ب) میں جمعرات کو تین مسلح افراد نے شیعہ مسجد بضعت رسولؐ پر حملہ کرکے موذن ماسٹر اللہ دتہ اور نمازی امیر علی ملنگ سعید ممتاز کو قتل کر دیا۔

مقامی ذرائع نے ڈیلی اردو کو بتایا کہ ملزم اللہ یار نے واردات سے قبل مسجد و مدرسہ امینیہ میں اعلان کیا تھا کہ وہ جنت میں جا رہا ہے، (شیعہ مارنے جارہا ہوں) اگر کوئی میرے ساتھ آنا چاہے تو مجھ سے آکر ملے، تھوڑی ہی دیر بعد نماز تہجد پڑھنے آئے ہوئے شیعہ موذن ماسٹر اللہ دتہ اور نمازی امیر علی ملنگ کو ان کی مسجد میں بے دردی کے ساتھ قتل کردیا اور خون میں لت پت لاشیں مسجد کی صفوں پہ چھوڑ کر ساتھیوں سمیت فرار ہوگیا۔

پولیس نے مرکزی ملزم مولوی اللہ یار کو گرفتار کرلیا جبکہ پولیس کے مطابق مسجد و مدرسے سے قتل میں استعمال ہونیوالا آہنی راڈ بھی برآمد کر لیا گیا ہے، واقعہ کے بعد پولیس نے مقدمہ درج کر کے مزہد تفتیش شروع کر دی ہے۔

پنجاب میں دو روز کے دوران پیش آنے والی یہ دوسری واردات ہے۔

اس سے قبل ضلع بہاونگر میں مقامی نوحہ حوان اور موذن ماسٹر سعید کو بدھ کی صبح امام بارگاہ و مسجد باب علی میں نامعلوم افراد نے گولیاں مار کر قتل کر دیا تھا۔