پنجاب: گوجرانوالہ میں سی ٹی ڈی کی کارروائی، 2 دہشت گرد گرفتار

اسلام آباد (ش ح ط) کائونٹر ٹیرارزم ڈیپارٹمنٹ (سی ٹی ڈی) نے کارروائی کرتے ہوئے گوجرنوالہ سے دو دہشت گرد گرفتار کر لئے۔

تفصیلات کے مطابق سی ٹی ڈی کی جانب سے یہ کارروائی پنجاب کے ضلع گوجرنوالہ میں کی گئی۔ کائونٹر ٹیرارزم ڈیپارٹمنٹ کے حکام کا کہنا ہے کہ کارروائی خفیہ اطلاع پر بائی پاس کے قریب کی گئی۔، گرفتار ملزمان سے جہادی فنڈز کی رسیدیں اور لٹریچر برآمد ہوا ہے۔

ترجمان سی ٹی ڈی کا کہنا ہے کہ گرفتار ہونے والے دہشت گردوں کے خلاف تھانہ سی ٹی ڈی گوجرنوالہ میں مقدمہ درج کر لیا گیا اور ان سے نامعلوم مقام پر تفتیش کا آغاز کردیا گیا۔

14 جولائی کو بھی کاؤنٹر ٹیررازم ڈیپامنٹ نے گوجرنوالہ میں کارروائی کرتے ہوئے کالعدم تنظیم لشکر جھنگوی کے 3 دہشت گردوں کو گرفتار کیا تھا۔