چارسدہ پولیس کی کارروائی، تحریک طالبان پاکستان کا دہشت گرد گرفتار

پشاور (نمائندہ ڈیلی اردو) خیبر پختونخوا پولیس نے دعویٰ کیا ہے کہ ضلع چارسدہ کی تحصیل شبقدر کے علاقہ خواجہ وس سے کالعدم تنطیم سے تعلق رکھنے والے دہشت گرد گرفتار کر لیا ہے۔

پولیس کے مطابق ملزم کے قبضے سے بارودی مواد بھی برآمد کر لئے ہیں۔

بدھ کو ضلعی پولیس آفیسر چارسدہ کے دفتر سے جاری پریس ریلیز میں بتایا گیا ہے کہ تحصیل شبقدر کے تھانہ خواجہ وس پولیس نے کارروائی کرتے ہوئے کالعدم تنظیم تحریک طالبان پاکستان (ٹی ٹی پی) سے تعلق رکھنے والے دہشت گرد ضابطہ خان کو گرفتار کرلیا ہے۔

ڈی ایس پی شبقدر فاروق زمان کے مطابق گرفتار دہشتگرد کے قبضے سے بارودی مواد میں 3 عدد آر پی جی، 7 پرائما کارڈز اور 60 میٹر سیفٹی فیوز شامل برآمد کر لئے ہیں۔

ڈی ایس پی کے مطابق بارودی مواد کو بنجر زمین میں چھپایا گیا تھا جو کسی بڑی تخریب کاری کے لئے استعمال ہوسکتا تھا.

فاروق زمان نے کہا کہ کاروائی خفیہ اطلاع پر عمل میں لائی گئی ہے جس سے مزید تفتیش بھی کی جائے گی۔