چکوال میں شدت پسندوں کا حملہ، پنجاب پولیس کا اہلکار ہلاک

واشنگٹن (ش ح ط) پاکستان کے صوبے پنجاب کے ضلع چکوال کے علاقے تھانہ کلرکہار کی حدود میں واقع میانی اڈہ کے قریب دہشت گردوں کی فائرنگ سے پولیس اہلکار سیرت عباس ہلاک ہو گئے۔ واقعہ پیر کی شب اس وقت پیش آیا جب مسلح شدت پسندوں نے اہلکار پر اچانک فائرنگ کی اور موقع سے فرار ہو گئے۔

زخمی اہلکار کو فوری طور پر قریبی اسپتال منتقل کیا گیا تاہم وہ زخموں کی تاب نہ لاتے ہوئے دم توڑ گیا۔

پولیس اور سیکیورٹی اداروں نے علاقے کو گھیرے میں لے کر سرچ آپریشن شروع کر دیا ہے جبکہ حملہ آوروں کی تلاش جاری ہے۔

اس حملے کی ذمہ داری شدت پسند تنظیم “لشکر خراسان پاکستان” نے قبول کی ہے۔ تنظیم کی جانب سے جاری کردہ ایک غیر مصدقہ بیان میں دعویٰ کیا گیا ہے کہ یہ کارروائی ان کے جنگجوؤں نے کی۔

واقعے کے بعد قانون نافذ کرنے والے ادارے مختلف پہلوؤں سے واقعے کی تحقیقات میں مصروف ہیں، جبکہ سیکیورٹی ہائی الرٹ کر دی گئی ہے۔