چہلم امام حسینؑ: بلوچستان شیعہ کانفرنس کا اجلاس، سیکورٹی کا جائزہ لیا گیا

کوئٹہ (ڈیلی اردو) بلوچستان شیعہ کانفرنس کا ایک اہم اجلاس شیعہ کانفرنس کے دفتر میں ہوا جس کی صدارت سید محمد دائود آغا نے کی اجلاس میں سیکورٹی کا جائزہ لیا گیا۔

دائود آغا نے اجلاس کے شرکاء سے خطاب کرتے ہوئے کہا کہ جلوس عزا بسلسلہء شہادت چہلم امام حسین ؑ اور شہداء کربلا کے سلسلے میں 20 اکتوبر بروز اتوار امام بارگاہ ناصر آباد سے برآمد ہو گا جس میں مختلف امام باگاہوں کے ماتمی دستے شامل ہوں گے جن کی تعداد 18 ہو گی اور پھر چورک شہداء پر ساڑھے 30 ؛9 بجے مکمل ہوگا۔

جلوس کے اطراف میں سبیل امام حسین ؑ بھی لگائی جائے گی جلوس اپنے روا یتی راستوں سے ہو تا ہوا بہشت زینب ؑ
(قبر ستان) پہنچے گا جہاں پر مجلس امام حسین ؑ بیاںہوں گے اور صدر بلوچستان شیعہ کانفرنس سید محمد دائود آغا ماتمی جلوس کے شرکاء سے خطاب فرمائیں گے اور شہداء کربلاء خراج عقیدت پیش کریں گے۔

جلوس امام بارگاہ ناصر آباد پہنچ کر شام 6 بجے تک اختتام پذیر ہو گا، اسی سلسلے میں ایک جلوس عزا ہزارہ ٹاون (بروری) میں امام بارگاہ علی ابن ابی طائب پر اختتام پذیر ہو گا جلوس کی قیادت صدر سید محمد دائود آغا اور انکی کابینہ کرے گی ہزارہ ٹاون بروری میں جلوس عزا کی قیادت میں بلوچستان شیعہ کانفرنس کے سینئر نائب صدر سید محمد نصرت آغا اور ان کے ساتھ حاجی رمضان کریں گے۔