ڈیرہ اسماعیل خان: شیعہ مرکزی مسجد پر خودکش حملے کا منصوبہ بنانے والا دہشت گرد گرفتار

اسلام آباد (بیورو رپورٹ) صوبہ خیبر پختونخوا کے ضلع ڈیرہ اسماعیل خان کی مرکزی جامع مسجد شیعہ کی ریکی کرنے والا مبینہ خودکش بمبار کو گرفتار کرلیا گیا ہے۔

سرکاری ذرائع کے مطابق ڈیرہ اسماعیل خان کی مرکزی جامع مسجد شیعہ لاٹو فقیر کی مبینہ طور پر ریکی کرنے والا شخص کو پولیس نے گرفتار کر لیا۔

ادھر ڈیرہ اسماعیل خان کی امام بارگاہ کے ایک متولی نے نام ظاہر نہ کرنے کی شرط پر ڈیلی اردو کو بتایا کہ مبینہ ملزم کی گرفتاری کے بعد مقامی پولیس کے ایک افسر کی جانب سے ان کو بتایا گیا کہ گرفتار ہونے والے شخص نے دوران تفتیش انکشاف کیا ہے کہ وہ ڈیرہ اسماعیل خان میں خودکش حملے کی منصوبہ بندی کر رہا تھا جبکہ مقامی پولیس افیسر نے ڈیرہ اسماعیل خان کی مساجد امام بارگاہوں کی سیکیورٹی سخت کرنے کی ہدایت کی ہے۔

ذرائع کا کہنا ہے کہ دہشت گرد کو تفتیش کیلئے خفیہ مقام پر منتقل کردیا گیا ہے۔

واضح رہے کہ 12 دسمبر 2008 کو بھی جامع مسجد شیعہ لاٹو فقیر میں نماز جمعہ کے دوران شکیل احمد نامی خودکش حملہ آور شکیل کو گرفتار کیا گیا تھا۔