ڈیرہ اسماعیل خان میں نامعلوم افراد کی فائرنگ سے سیکیورٹی فورسز کا ایک اہلکار ہلاک، دوسرا زخمی

اسلام آباد (ش ح ط) صوبہ خیبر پختونخوا کے ضلع ڈیرہ اسماعیل خان میں نامعلوم مسلح افراد کی فائرنگ سے سیکیورٹی فورسز کا ایک اہلکار ہلاک اور دوسرا زخمی ہوگیا۔

سرکاری ذرائع نے ڈیلی اردو کو بتایا کہ ڈیرہ اسماعیل خان کے تھانہ درابن کی حدود درازندہ موڑ پر نامعلوم مسلح افراد کی فائرنگ سے درابن بیس کے لانس نائیک مجیب الرحمن ہلاک جبکہ نائیک وقار زخمی ہو گئے۔

https://twitter.com/ShabbirTuri/status/1550897115630514176?t=iIj3yoZqy8Zb-dVqXPx_ig&s=19

سرکاری ذرائع کے مطابق زخمی اور لاش کو سی ایم ایچ ڈیرہ منتقل کر دیا گیا۔

درابن پولیس نے واقعہ کا مقدمہ نامعلوم دہشتگردوں کے خلاف درج کرکے تفتیش شروع کر دی ہے اور ملزمان کی گرفتاری کے لئے چھاپے مارے جا رہے ہیں تاہم آخری اطلاعات تک کسی قسم کی گرفتاری کی اطلاع موصول نہ ہوئی۔