ڈیرہ غازی خان میں بکتر بند گاڑی کے قریب دھماکا، 5 پولیس اہلکار زخمی

ڈی جی خان (نمائندہ ڈیلی اردو) صوبہ پنجاب کے ضلع ڈیرہ غازی خان میں تھانہ کوٹ مبارک کے علاقے بستی کوٹ مبارک کے قریب شدت پسندوں نے ایک چیک پوسٹ قائم کی تھی۔ جیسے ہی پنجاب پولیس موقع پر پہنچی، پہلے سے نصب دیسی ساختہ بم زور دار دھماکے سے پھٹ گیا، جس کے نتیجے میں پولیس کی ایک بکتر بند گاڑی کو نقصان پہنچا۔

ذرائع کے مطابق، دھماکے میں پانچ پولیس اہلکار معمولی زخمی ہوئے، جنہیں ابتدائی طبی امداد فراہم کر دی گئی۔ حملے کے بعد دہشت گرد موقع سے فرار ہونے میں کامیاب ہو گئے۔

سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے، جبکہ قانون نافذ کرنے والے ادارے واقعے کی تحقیقات میں مصروف ہیں۔