ڈیرہ غازی خان میں سی ٹی ڈی کی کارروائی، لشکرجھنگوی کا دہشت گرد سمیت 3 گرفتار

ڈی جی خان (ڈیلی اردو) پنجاب کے ضلع ڈیرہ غازی خان میں سی ٹی ڈی نے کارروائی کرتے ہوئے کالعدم تنظیم کے دہشت گرد کو گرفتار کرلیا۔

تفصیلات کے مطابق ڈیرہ غازی خان میں سی ٹی ڈی نے کارروائی کے دوران ایک دہشت گرد کو گرفتار کر کے ہینڈ گرنیڈ، اسلحہ اور اہم دستاویزات برآمد کرلیں۔

ترجمان سی ٹی ڈی کے مطابق دہشت گرد جمشید کالعدم تنظیم کو مالی معاونت فراہم کرتا تھا، گرفتار دہشت گرد کا تعلق کالعدم لشکر جھنگوی سے ہے۔

سی ٹی ڈی حکام کا کہنا ہے کہ دہشت گرد کی نشاندہی پر ایک اور ملزم اور سہولتکار فرخ اور اس کے والد کو بھی گرفتار کیا گیا ہے، فرخ اور اس کا والد کالعدم تنظیموں کو فنڈز دیتا تھا۔

سیکیورٹی ذرائع کا کہنا ہے کہ دہشت گرد اور سہولتکار شیعہ ٹارگٹ کلنگ میں بھی ملوث ہیں۔ ملزمان سے تفتیش جاری ہے مزید اہم انکشافات متوقع ہیں