کراچی: افغانستان سے تربیت یافتہ لشکر جھنگوی کے 2 دہشت گرد گرفتار

اسلام آباد (ش ح ط) صوبہ سندھ کے صوبائی دارالحکومت کراچی کے علاقے شاہ لطیف ٹاؤن سے پولیس نے انتہائی مطلوب 2 دہشت گردوں کو گرفتار کر لیا ہے۔

ایس ایس پی عرفان بہاد کے مطابق دہشت گردوں سے دھماکا خیز مواد، دستی بم، اسلحہ اور دیگر سامان برآمد کیا گیا۔

ایس ایس پی ملیر سید عرفان بہادر کا کہنا ہے کہ گرفتار دہشت گردوں میں عبدالباسط عرف موسی ولد عبد اللہ اور عطاامحسن ولد قاری سیف اللہ شامل ہے جو شہر قائد میں اپنے ناپاک عزائم رکھتے تھے۔

ایس ایس پی نے بتایا کہ گرفتار دہشت گرد حال ہی میں افغانستان سے آئے تھے، دنوں دہشت گرد کراچی میں کارروائی کرنا چاہتے تھے، ملزمان کا تعلق کالعدم تنظیم لشکر جھنگوی سے ہے۔

انہوں نے مزید بتایا کہ گرفتار دہشت گرد افغانستان سے تربیت یافتہ ہیں، جنہوں نے ریلوے اسٹیشن سمیت کئی حساس مقامات کی ریکی کررکھی تھی۔

ابتدائی تفتیش میں ملزمان نے متعدد کارروائیوں میں ملوث ہونے کا اعتراف کرلیا۔