کررونا وائرس: جرمنی نے پانچ ممالک کیلئے سرحد عارضی طور پر بند کردی

برلن (ڈیلی اردو/نیوز ایجنسیاں) کورونا وائرس کے پھیلاؤ کی روک تھام کے لئے جرمنی نے اپنی سرحدیں فرانس، سوئٹزرلینڈ، آسٹریا، لکسمبرگ اور ڈنمارک کے لیے بند کر دی ہیں۔

براعظم یورپ میں کورونا وائرس کی وبا میں مسلسل اضافہ ہوتا جا رہا ہے اور اسی تناظر میں عالمی ادارہ صحت نے یورپ کا اس وبا کا نیا مرکز قرار دیا ہے۔

جرمنی کی کئی ہمسایہ ممالک میں کورونا وائرس کی نئی قسم سے پھیلنے والی بیماری کووڈ انیس وبائی شکل اختیار کرتی جا رہی ہے۔ اس وبا کو محدود کرنے کے سلسلے میں برلن حکومت نے اپنی سرحدوں پر جانچ پڑتال کا عمل شروع کر دیا ہے۔ تاہم کہا گیا ہے کہ بعض صورتوں میں مسافروں کو اس بندش سے استثنا دیا گیا ہے۔

Long lines expected

German police is checking every car at border crossing Saarbrücken/Forbach with France. Only people, who drive to work, are allowed. #coronavirus pic.twitter.com/M1SkD7U1rw

— Bernd Thomas Riegert (@RiegertBernd) March 16, 2020

جرمن وزیرداخلہ ہورسٹ زیہوفر کا کہنا ہے کہ جرمن شہری اور جرمنی میں رہائش کے پرمٹ کے حامل افراد جرمنی میں واپس لوٹ سکیں گے، جب کہ اشیائے ضروریت والے مال بردار ٹرکوں کو بھی ایسا ہی استثنا حاصل ہو گا۔

زاربروکن کے قریب فرانس سے منسلک جرمن سرحد پر موجود ڈی ڈبلیو کے نمائندے بیرنڈ ریگیرٹ کا کہنا ہے کہ سرحد عبور کرنے والوں سے سرحدی نگرانی کی پولیس نے پوچھ گچھ کا سلسلہ جاری رکھا ہوا ہے۔ ایسے لوگوں سے ان کی منزل مقصود، جرمنی میں داخل ہونے کی نوعیت اور دیگر معلومات حاصل کی جا رہی ہیں۔

بیرنڈ ریگیرٹ کا یہ بھی کہنا ہے کہ یہ سرحدی گزرگاہ گزشتہ پچیس برسوں سے بغیر کسی رکاوٹ سے کھلی ہوئی تھی تاہم اب اس نئی صورت حال میں سرحد عبور کرنے کے منتظر افراد کو مشکلات کا سامنا ہے۔

یہ امر اہم ہے کہ برلن حکومت اپنے شہریوں کو پہلے ہی غیر ممالک کا غیر ضروری سفر اختیار سے گریز کی تلقین کر چکی ہے۔ جرمن حکومت اپنے شہریوں کو یہ انتباہ بھی کر چکی ہے کہ مختلف ممالک اپنی سرحدیں بند کر رہے ہیں اور ایسی صورت میں جرمن شہر ان ملکوں میں پھنس سکتے ہیں۔