کشمور: کندھ کوٹ میں دھماکا، 2 افراد ہلاک، 2 زخمی

کندھ کوٹ (نمائندہ ڈیلی اردو) صوبہ سندھ کے ضلع کشمور کی تحصیل کندھ کوٹ میں دھماکے سے 2 افراد ہلاک جبکہ 2 شدید زخمی ہو گئے۔

پولیس حکام کے مطابق کندھ کوٹ کے نواحی گاؤں گاہی خان بھیو میں باردوی سرنگ کا دھماکا ہوا ہے جس کے نتیجے میں دو افراد ہلاک جبکہ دو زخمی ہوگئے۔

واقعے کی اطلاع ملتے ہی پولیس اور ریسکیو کی ٹیمیں وقوعہ پر پہنچ گئیں اور لاشوں اور زخمیوں کو ہسپتال منتقل کردیا۔ اور واقعے کی تحقیقات شروع کردی گئی ہیں۔

پولیس حکام نے بتایا کہ دھماکا زمین میں نصب دستی بم پھٹنے سے ہوا ہے، درانی مہر تھانے کی حدود میں چرواہے مویشی چرانے جا رہے تھے تو نیچے سے ہینڈ گرینٹر پھٹ گیا، ہلاک ہونے والوں میں دو نوجوان شعیب بھیو اور آکاش بھیو شامل ہیں۔

دھماکے کے بعد علاقے کو گھیرے میں لے کر سرچ آپریشن کا آغاز کر دیا گیا ہے۔