کوئٹہ میں دھماکا، ایف سی اہلکار سمیت تین افراد زخمی

کوئٹہ (بیورو رپورٹ) صوبہ بلوچستان کے صوبائی حکومت کوئٹہ میں قمبرانی روڈ پر دھماکے کے نتیجے میں ایف سی اہلکار سمیت 3 افراد زخمی ہوگئے۔

At least three including a #FC soldier were injured in a grenade/ roadside blast near Khusho Hotel #Qambrani Road #Quetta Balochistan. pic.twitter.com/HyCWTAYsrR

— ???????? (@Info_Balochistn) July 17, 2022

سرکاری ذرائع کے مطابق کوئٹہ کے علاقے قمبرانی روڈ پر بشو ہوٹل کے قریب دھماکا ہوا ہے، دھماکے کے نتیجے میں تین افراد زخمی ہوگئے ہیں۔

ریسیکو ذرائع کے مطابق دھماکے میں ایک ایف سی اہلکار سمیت دو جلیل احمد، خیر محمد زخمی ہوئے ہیں جنہیں سول ہسپتال کوئٹہ منتقل کیا گیا ہے۔

دھماکےکے بعد پولیس، ایف سی اور دیگر قانون نافذ کرنے والے ادارے کے اہلکاروں نے جائے وقوعہ کو گھیرے میں لے لیا ہے اور شواہد جمع کیے جارہے ہیں۔

‏دوسری جانب کالعدم بلوچ لبریشن آرمی نے دھماکے کی ذمہ داری قبول کرلی۔

بی ایل اے کے ترجمان جیئند بلوچ نے نامعلوم مقام سے میڈیا کو جاری بیان میں کہا ہے کہ ہمارے سرمچاروں نے کوئٹہ میں قمبرانی روڈ پر فرنٹیئر کور کے ایک چیک پوسٹ کو دستی بم حملے میں نشانہ بنایا۔ دھماکے کے نتیجے میں تین اہلکار زخمی ہوگئے۔