کوہاٹ: نامعلوم افراد کی فائرنگ سے ایک پولیس اہلکار ہلاک

اسلام آباد (ش ح ط) خیبر پختونخوا کے ضلع کوہاٹ میں لعل میلہ کے قریب نامعلوم افراد کی فائرنگ سے ایک پولیس اہلکار ہلاک ہوگیا۔

پولیس کے مطابق موٹر سائیکل پر سوار 2 مسلح ملزمان نے کوہاٹ کے نواحی علاقے لعل میلہ میں پولیس اہلکار پر اندھا دھند فائرنگ کر دی۔ ملزمان کی فائرنگ کے نتیجے میں امجد نامی اہلکار ہلاک ہوگیا۔ فائرنگ کے بعد حملہ آور فرار ہونے میں کامیاب ہو گئے ہیں تاہم قتل کے محرکات معلوم نہیں ہو پائے ہیں۔

پولیس نے علاقے کی ناکہ بندی کر کے ملزمان کی تلاش شروع کردی۔

اس سے چار روز قبل کوہاٹ میں پولیس اسٹیشن لاچی کے ایس ایچ او نذر عباس کو لاچی بازار میں ٹارگٹ کلنگ کا نشانہ بنایا گیا تھا۔

کوہاٹ : ڈی پی او کوہاٹ منصور امان کی شہید ایس ایچ او لاچی نذر عباس کے گھر آمد, قبر پر حاضری اور بچوں و لواحقین کیساتھ ملاقات کی۔ ایس ایچ او نذر عباس نے 29 رمضان کی شب فرائض کی انجام دہی کے دوران شہید ہوئے۔ کوہاٹ پولیس نے 24گھنٹوں کے اندر اندر شہید کے قاتلوں کو جہنم واصل کردیا۔ pic.twitter.com/SQTDNsrtG7

— KP Police (@KP_Police1) May 25, 2020

یکم مئی کو کوہاٹ کے علاقے گڑھی مواز خان میں ہیڈ کانسٹیبل ادیب حسین کو ٹارگٹ کلنگ کا نشانہ بنایا گیا تھا۔

کوہاٹ : شہید پولیس اہلکار ادیب حسین کی نماز جنازہ پولیس لائنز میں ادا کردی گئی ہے. پولیس کے چاق و چوبند دستے نے شہید کو سلامی پیش کی۔ پولیس ہیڈ کانسٹیبل ادیب حسین گزشتہ شب گڑھی مواز خان کے علاقے میں ڈیوٹی پر نامعلوم افراد کی فائرنگ سے شہید ہوگئے تھے۔ pic.twitter.com/aoANGhZayn

— KP Police (@KP_Police1) May 1, 2020