گوجرانوالہ: کامونکی میں 2 روز قبل اغواء ہونے والی 8 سالہ بچی زیادتی کے بعد قتل، ملزم گرفتار

گوجرانوالہ + کامونکی (ڈیلی اردو) پنجاب کے ضلع گوجرانوالہ کی تحصیل ایمن آباد کے علاقہ کوٹ محمد شفیع میں ننھی پری زیادتی کے بعد قتل ہو گئی جب کہ ملزم کی نشاندہی پر پولیس نے لاش کھیتوں سے برآمدکرلی۔

تفصیلات کے مطابق ایمن آبد کے علاقے کوٹ محمد شفیع میں 8 سالہ بچی دو روز قبل گاؤں کی دکان سے مونگ پھلی لینے گئی تو لاپتہ ہوگئی۔ دکاندار سے پتہ چلا کہ 8 سالہ بچی مونگ پھلی لے کر دکان سے نکلی تو گاؤں کے رہائشی مستری عبدالغنی مغل کیساتھ سائیکل پر بیٹھی۔پولیس نے ملزم کو حراست میں لیا تو ملزم نے بچی کو زیادتی  کے بعد گلہ دبا کر قتل کا اعتراف کر لیا۔

ملزم کی نشاندہی پر لاش کھیتوں سے مل گئی۔ بچی کی لاش ملنے پر ورثا اور علاقہ مکین مشتعل ہو گئے۔ ورثاء نے معصوم بچی کی لاش سڑک پر رکھ کر گوجرانوالہ جی ٹی روڈ پر احتجاج کیا۔

مظاہرین نے مطالبہ کیا کہ ملزم کو سرعام پھانسی پر لٹکایا۔ پولیس کی جانب سے انصاف کی یقین دہانی پر ورثاء منشتر ہو گئے جب کہ سی پی او کا کہنا ہے کہ ملزم گرفتار ہے۔ قرار واقعی سزا دلوائیں گے۔