یمن کے المخا پر ایران نواز حوثی باغیوں کا میزائل حملہ، 6 افراد ہلاک

صنعا(ڈیلی اردو) یمن کے اہم بندرگاہی شہر المخا میں ایران نواز حوثی باغیوں کے میزائل حملے میں 6 افراد ہلاک ہوگئے، جن میں 2 سکیورٹی اہلکار بھی شامل ہیں۔

یمن کی بین الاقوامی سطح پر تسلیم شدہ حکومت کے ایک فوجی عہدیدار کے مطابق جمعہ کے روز ایران نواز حوثی باغیوں نے المخا بندرگاہ کو نشانہ بنایا، جہاں تجارتی بحری جہازوں پر سامان اتارنے کا عمل جاری تھا۔

عہدیدار نے بتایا کہ حملے کے دوران 5 میزائل فائر کیے گئے، جن میں سے حملے کی زد میں آنے والے 2 بحری جہازوں میں آگ بھڑک اٹھی۔

حکام کے مطابق واقعے میں مجموعی طور پر 6 افراد ہلاک ہوئے، جبکہ حملے سے بندرگاہی سرگرمیاں بھی متاثر ہوئیں۔ واقعے کے بعد علاقے میں سکیورٹی مزید سخت کر دی گئی ہے۔