یمن : تعز میں حوثی باغیوں کے کمانڈ مراکز اور ٹھکانوں پر فضائی حملے

صنعاء( ڈیلی اردو) یمن کی حکومتی فورسز نے تعز کے جنوب مشرقی علاقے میں حوثی باغیوں کے ٹھکانوں اور کمانڈ مراکز کو ڈرون حملوں کا نشانہ بنایا ہے۔

تعز کے عسکری میڈیا مرکز کے مطابق حملے الصلوٰۃ محاذ کے علاقے میں کیے گئے، جہاں نقيل الصلوٰۃ، الرفصہ گاؤں، مرحوم اسکول کی عمارت اور دار الحریبی میں حوثی باغیوں کے کمانڈ مراکز، دفاعی مورچوں اور دیگر عسکری تنصیبات کو نشانہ بنایا گیا۔

حکام کے مطابق فضائی حملوں میں اہداف کو براہ راست نشانہ بنایا گیا، جس کے نتیجے میں حوثی باغیوں کے متعدد ارکان ہلاک اور زخمی ہوئے۔

عسکری حکام کا کہنا ہے کہ تعز کے مختلف محاذوں پر حوثی باغیوں کی نقل و حرکت کی مسلسل نگرانی کی جا رہی ہے اور ان کے خلاف کارروائیاں جاری رہیں گی۔

دوسری جانب تعز کے عسکری محور نے جبل حبشی کے مغربی علاقے العنین محاذ پر حوثی باغیوں کی جانب سے دراندازی کی کوشش بھی ناکام بنانے کا دعویٰ کیا ہے، تاہم اس کارروائی کی مزید تفصیلات جاری نہیں کی گئیں۔