یوکرین کے تازہ حملے کے بعد روسی تیل کی سپلائی معطل

ماسکو +کیف (ڈیلی اردو/ اے پی/اے ایف پی/رائٹرڑ ) یوکرین کے حالیہ حملے کے بعد ہنگری اور سلوواکیہ کو روسی تیل کی فراہمی کم از کم پانچ دن کے لیے معطل ہو سکتی ہے۔ یوکرین کی فوج نے روس کی دروژیبا پائپ لائن کے اہم حصے اونیچا آئل پمپنگ اسٹیشن پر دوبارہ حملہ کیا، جس سے کئی ایندھن کے ٹینکوں میں آگ لگی۔

ہنگری اور سلوواکیہ نے یورپی کمیشن کو خط لکھ کر توانائی کی سکیورٹی یقینی بنانے کی درخواست کی ہے۔ روس اور یوکرین نے حالیہ ہفتوں میں ایک دوسرے کے توانائی ڈھانچے پر حملوں میں اضافہ کیا ہے۔ سوویت دور کی دروژیبا پائپ لائن روس سے ہنگری، سلوواکیہ اور جرمنی کو تیل فراہم کرتی ہے، جبکہ جرمنی کی سپلائی متاثر نہیں ہوئی۔

ہنگری کے وزیر خارجہ پیٹر زیجارٹو نے فیس بک پر کہا، ''یہ ہماری توانائی سکیورٹی پر ایک اور حملہ ہے۔''