صومالیہ قحط کی دہلیز پر پہنچ گیا ہے، اقوام متحدہ

اقوام متحدہ کے مطابق مشرقی افریقی ملک صومالیہ کو اس دہائی کی بدترین خشک سالی کا سامنا ہے اور وہاں لاکھوں بچے بھوک کی وجہ سے لقمہ اجل بن سکتے ہیں۔

Somalia faces pockets of famine amid soaring food prices, drought -U.N. https://t.co/IG9JWoCXpF pic.twitter.com/tLvEsRidts

— Reuters Africa (@ReutersAfrica) April 13, 2022

ایک نئی رپورٹ کے مطابق ملک کی مجموعی آبادی کا تقریباً 40 فیصد حصہ یعنی لگ بھگ 60 لاکھ افراد خوراک کی انتہائی شدید قلت سے دوچار ہیں۔

اقوام متحدہ کے بیان کے مطابق صومالیہ میں قحط کے بحران پر قابو پانے کے لیے ضروری 1.5 ارب ڈالر کی رقم کا اب تک صرف 4.4 فیصد ہی حاصل ہو سکا ہے۔

صومالیہ میں سن 2011ء میں قحط اور تصادم کی وجہ سے ڈھائی لاکھ افراد ہلاک ہو گئے تھے۔