اسرائیل طاقت کے زور پر فلسطینی ریاست کے قیام کی مخالفت کریگا، نیتن یاہو

واشنگٹن (ڈیلی اردو) اسرائیل کے وزیر اعظم بن یامین نیتن یاہو کا کہنا ہے کہ ان کی امریکی صدر ڈونلڈ ٹرمپ سے ملاقات میں فلسطین کی ریاست کو تسلیم کرنے سے متعلق کوئی معاہدہ نہیں ہوا ہے۔

ان کے ٹیلیگرام پر ایک ویڈیو سامنے آئی ہے جس میں نیتن یاہو سے یہ سوال پوچھا گیا کہ کیا وہ فلسطینی ریاست کے قیام پر متفق ہو گئے ہیں تو انھوں نے جواب دیا کہ ’نہیں بالکل نہیں۔‘

انھوں نے کہا کہ صدر ٹرمپ کی طرف سے پیش کر دہ 20 نکاتی معاہدے میں ایسی کوئی شق شامل نہیں ہے۔ نیتن یاہو نے مزید کیا کہ اسرائیل فلسطینی ریاست کے قیام کی طاقت کے زور پر مخالفت کرے گا۔

واضح رہے کہ 20 نکاتی امن پلان میں یہ کہا گیا ہے کہ جب غزہ کی تعمیر اور فلسطینی اتھارٹی میں اصلاحات متعارف ہوں گی تو پھر ایسے میں فلسطین کا حق خود ارادیت اور نئی ریاست کا قیام ممکن ہو سکے گا۔