اسرائیل میں کورونا ویکسین لگائے جانے سے ایک شخص ہلاک

یروشلم (ڈیلی اردو) اسرائیل میں کورونا ویکسین لگائے جانے سے ایک شخص ہلاک ہو گیا۔

اسرائیلی ذرائع ابلاغ نے بتایا ہے کہ صہیونی ریاست میں گذشتہ روز ایک 75 سالہ شخص کرونا کی ویکسین لگائے جانے کے نتیجے میں دم توڑ گیا۔

اسرائیل کے عبرانی ریڈیو کی رپورٹ میں کہا گیا کہ 75 سالہ شخص کوامریکی فائزرکمپنی کی ویکسین لگائی گئی جس کے نتیجے میں اس کی حالت بگڑ گئی۔ اسے اسپتال منتقل کیا گیا مگر وہ جاں بر نہیں ہوسکا اور دم توڑ گیا۔

اسرائیلی وزارت صحت کے ڈائریکٹر جنرل حیزی لیوی کا کہنا تھا کہ ایک شخص جو پہلے سے دائمی بیماریوں کا شکار تھا۔ اسے کرونا ویکسین دی گئی مگر اس کی زندگی نہیں بچ سکی ۔ان کا کہنا تھا کہ یہ واضح نہیں ہوسکا کہ یہ موت کرونا ویکسین لگنے سے ہوئی یا اس کی کوئی اور وجہ ہے تاہم اس کی تحقیقات کی جا رہی ہیں۔ ویکسین لگائے جانے کے بعد ایک شخص کی موت کی خبر پورے ملک میں جنگل کی آگ کی طرح پھیل گئی جس کے ویکسین کے حوالے سے تحفظات کا اظہار کیا جا رہا ہے