اسرائیلی فوج کی فائرنگ سے فلسطینی نوجوان ہلاک

غزہ (ڈیلی اردو) فلسطینی علاقے مغربی کنارے میں اسرائیلی فوج کی فائرنگ سے ایک فلسطینی نوجوان ہلاک ہو گیا۔

عرب میڈیا کی رپورٹ کے مطابق فلسطینی نوجوان کو اسرائیلی فوج نے کار میں نشانہ بنایا۔

رپورٹ میں عینی شاہدین کا حوالہ دیتے ہوئے بتایا گیا ہے کہ اسرائیلی فوج نے زخمی فلسطینی کو طبی امداد دینے سے روکا نتیجاتاً خون زیادہ بہہ جانے سے زخمی فلسطینی دم توڑ گیا۔

رپورٹ کے مطابق ہلاک ہونے والے نوجوان کی شناخت 24 سالہ محمد رئید برادیہ کے نام سے ہوئی ہے۔

اسرائیلی فوج نے اس حوالے سے کہا ہے کہ نوجوان کو گولی مار کر اس وقت ہلاک کیا گیا جب اس نے اپنی گاڑی فوجیوں کے ایک گروپ سے ٹکرائی۔

اسرائیلی طبی ماہرین نے بتایا ہے کہ اس واقعے میں 3 افراد زخمی ہوئے ہیں جن میں سے 2 کی حالت تشویش ناک ہے۔

گزشتہ روز ایک اور واقعے میں اسرائیلی پولیس نے مقبوضہ مشرقی یروشلم میں مسجدِ اقصیٰ کے باہر ایک فلسطینی شخص کو فائرنگ کر کے ہلاک کر دیا تھا۔

Palestinian feared killed after being shot by the lsraeli occupation forces at one of the Gates of Al-Aqsa Mosque. pic.twitter.com/wjolJYZtrP

— TIMES OF GAZA (@Timesofgaza) April 1, 2023

رپورٹ میں عینی شاہدین کا حوالہ دیتے ہوئے بتایا گیا ہے کہ پولیس نے مسجد کے احاطے کی طرف جانے والی ایک خاتون کو ہراساں کرنے سے روکنے کی کوشش کرنے والے 26 سالہ محمد خالد العصیبی کو کم از کم 10 گولیاں ماریں۔

واضح رہے کہ رواں سال اسرائیلی فوج کی پُرتشدد کارروائیوں میں 92 فلسطینی ہلاک ہو چکے ہیں۔