اسلام آباد: انسداد دہشتگردی فورس کی فائرنگ سے طالبعلم ہلاک، 5 اہلکار گرفتار

اسلام آباد (ڈیلی اردو) اسلام آباد میں انسداد دہشتگردی فورس کی فائرنگ سے طالب علم ہلاک ہوگیا، گاڑی پر فائرنگ کرنے والے پانچ اہلکاروں کو گرفتار کرلیا گیا۔

اے ٹی ایس اہلکاروں کی فائرنگ کے واقعہ کی ابتدائی تحقیقاتی رپورٹ مرتب کر کرلی گئی۔ گاڑی کو عقب سے ٹائروں پر گولیاں مارنے کا پولیس موقف غلط نکلا، گاڑی کو سامنے سے پانچ گولیاں ماری گئیں، گاڑی کو دونوں اطراف سے بھی گولیاں ماری گئیں۔ مقتول اسامہ کی موت سامنے سے ماری گئی گولیاں لگنے سے واقع ہوئی، گاڑی پر مجموعی طور پر 17 گولیاں لگیں۔

پولیس فائرنگ سے ہلاک نوجوان انٹرمیڈیٹ کا طالب علم تھا۔ نوجوان اخراجات پورے کرنے کے لئے گاڑی کو بطور کیب چلاتا تھا۔