اسلام آباد سے اغوا ہونے والے صحافی مطیع اللہ جان گھر واپس پہنچ گئے

اسلام آباد (ڈیلی اردو) غیر جمہوری قوتوں پر تنقید کے لیے مشہور پاکستانی صحافی مطیع اللہ جان جنھیں اسلام آباد کے سیکٹر جی سِکس سے اغوا کر لیا گیا تھا اپنے گھر واپس پہنچ گئے ہیں۔ ان کے اہل خانہ کے مطابق انھیں اغوا کاروں نے فتح جنگ کے قریب چھوڑا ہے۔

منگل کی رات صحافی اعزاز سید نے ٹوئٹر پر مطیع اللہ جان کے ساتھ تصویر اپ لوڈ کی اور لکھا کہ مطیع اللہ نے بارہ گھنٹوں کے بعد رہائی پائی۔

Glad to receive my friend @Matiullahjan919 – welcome. He has been released after 12 hours abduction. pic.twitter.com/nIIjwoIDZq

— Azaz Syed (@AzazSyed) July 21, 2020

منگل کی صبح سینئر صحافی مطیع اللہ جان کو وفاقی دارالحکومت کی ایک مصروف گلی سے سیاہ وردیوں اور سول کپڑوں میں ملبوس ایک درجن کے قریب افراد کی طرف سے اغوا کیے جانے کی واردات کی ایف آئی آر تھانہ آبپارہ میں درج کر لی گئی تھی۔