افغانستان: تخار میں طالبان کا چیک پوسٹ پر حملہ، حکومت نواز ملیشیا کے 4 اہلکار ہلاک

کابل (ڈیلی اردو) افغانستان کے شمالی صوبہ تخار کے صدر مقام تالوقان کے بیرونی علاقہ میں طالبان دہشت گردوں کی جانب سے ہفتہ کے روز سکیورٹی چوکی پر حملہ میں حکومت نواز ملیشیا کے چار اہلکار ہلاک ہونے کی تصدیق ہوگئی ہے۔

صوبائی پولیس کے ترجمان عبدالخلیل اسیر نے تصدیق کی کہ طالبان دہشت گردوں کے ایک گروہ نے ہفتہ کے روز مقامی وقت کے مطابق رات ایک بجے تالوقان شہر کے مضافاتی علاقہ تارمابائی میں حکومت نواز ملیشیا اہلکاروں کی چوکی پر دھاوہ بول دیا جس میں 4 اہلکار ہلاک جبکہ 5 دیگر زخمی ہوگئے۔

سه نیروی امنیتی در حملۀ یک فرد نفوذی طالبان در تخار کشته شدند
منابع محلی تخار که نخواستند هویت‌شان فاش شود، به سلام‌وطندار می‌گویند که شب گذشته در پی حملۀ یک فرد نفوذی طالبان بر یک پاسگاه نیروهای امنیتی در ولسوالی دشت قلعۀ این ولایت، سه تن از این نیروها کشته شده‌اند. به گفتۀ pic.twitter.com/GXBjOOVNRC

— Salam Watandar (@sw989fm) April 16, 2021

اسیر نے کہاکہ طالبان دہشت گردوں کی جانب بھی ہلاکتیں ہوئیں تاہم انہوں نے درست تعداد نہیں بتائی۔

دریں اثناء ایک سکیورٹی عہدیدار نے نام ظاہر نہ کرنے کی شرط پر بتایا کہ کچھ وقت کیلئے ہونے والی جھڑپ میں 3 طالبان دہشت گرد ہلاک جبکہ 3 دیگر زخمی ہوگئے ہیں۔