افغانستان: تخار میں مدرسے پر فضائی حملہ، 12 افراد ہلاک، 14 زخمی

کابل (ڈیلی اردو) افغانستان کے صوبے تخار میں فضائی حملے سے 12 افراد ہلاک جبکہ 14 زخمی ہو گئے ہیں۔ افغان میڈیا کے مطابق فضائی حملہ ضلع بہارک میں مدرسے پر کیا گیا۔

At least 12 people were killed and 14 others were wounded in an airstrike in Baharak district in Takhar on Wednesday, a source said, adding that a "madrassa has been targeted." #Afghanistan

— TOLOnews (@TOLOnews) October 22, 2020

غیر ملکی خبر رساں ادارے کے مطابق شمال مشرقی علاقے میں ایک مدرسے پر ہونے والے فضائی حملے میں بارہ افراد ہلاک ہو گئے جن میں گیارہ بچے شامل تھے۔

بدھ کے روز ہونے والا یہ حملہ صوبہ تخار پر ہوا جہاں تین روز سے افغان سیکیورٹی فورسز اور طالبان دہشت گردوں کے درمیان گھمسان کی جنگ جاری ہے، جس میں دو درجن کے قریب افغان سیکیورٹی اہل کار ہلاک ہو چکے ہیں۔ فوری طور پر یہ معلوم نہیں ہو سکا کہ یہ فضائی حملہ کس نے کیا تھا۔

IMAGES purportedly showing the aftermath of last night's Afghan AF airstrike in Khwaja Ghar, Takhar. #Afghanistan pic.twitter.com/7oiG29IRcz

— FJ (@Natsecjeff) October 23, 2020

چند روز قبل افغان صوبے غور میں ہونے والے بم دھماکے میں 14 افراد ہلاک اور 210 سے زائد زخمی ہو گئے تھے۔