افغانستان: صوبہ تخار کے اسلامی مدرسہ میں مارٹر گولہ پھٹنے سے 10 طلبہ ہلاک، 8 زخمی

کابل (ڈیلی اردو) افغانستان کے شمال مشرقی صوبہ تخار میں اسلامی مدرسہ میں مارٹر گولہ پھٹنے کے نتیجے میں کم از کم 10 طلبہ ہلاک اور 8 دیگر زخمی ہوگئے۔

افغان اور غیرملکی میڈیا کے مطابق افغانستان کے شمال مشرقی صوبہ تخار کے ضلع اشکامش میں واقع ایک اسلامی مدرسہ میں جمعرات کی صبح ایک دھماکہ ہوا جس میں 10 طلبہ موقع پر ہلاک ہوگئے اور 8 دیگر زخمی ہوگئے۔

در اثر انفجار در یک مسجد، در ولسوالی اشکمش تخار، ۷ تن کشته شده‌اند.https://t.co/WNtsiNTCG7

— Radio Azadi (@DaRadioAzadi) June 18, 2020

ترجمان خلیل اللہ آسیر نے بتایا ہے کہ ابتدائی تحقیقات کے مطابق دھماکہ مارٹر گولہ پھٹنے کے باعث ہوا جسے مبینہ طور پر طلبہ اندر لے کے گئے تھے۔

اطلاعات کے مطابق ہلاک اور زخمی طلبہ کی عمریں اٹھارہ سال سے کم تھیں۔