افغانستان: صوبہ قندوز میں 20 طالبان ہلاک

کابل (ڈیلی اردو/شِنہوا) افغانستان کے شمالی صوبہ قندوز کے بدامنی کا شکار ضلع امام صاحب میں گزشتہ 24 گھنٹوں کے دوران جاری کلین اپ آپر یشنز کے دوران کل 20 دہشت گرد ہلاک کئے جاچکے ہیں۔

صوبائی پولیس کے ترجمان انعام الدین رحمانی نے جمعرات کے روز غیر ملکی خبر رساں ایجنسی شِنہوا کو بتایا کہ گزشتہ 24 گھنٹوں کے دوران ضلع امام صاحب میں 20 طالبان دہشت گرد ہلاک کئے جاچکے ہیں جبکہ بدامنی کا شکار ضلع کے شیڈو گورنر حافظ عمر سمیت 15 سے زائد زخمی ہوچکے ہیں۔

عہدیدار نے کہا کہ جنگی جہازوں کی مدد کے حامل کلین اپ آپریشنز ضلع کو باغیوں سے صاف کرنے تک جاری رہیں گے، انہوں نے سکیورٹی اہلکاروں کی ممکنہ ہلاکتوں کی معلومات فراہم نہیں کیں۔

صوبہ قندوز کے علاقوں میں متحرک طالبان دہشت گردوں نے تاحال کوئی بیان جاری نہیں کیا۔