افغانستان: قندہار میں سڑک کنارے نصب بم دھماکے میں 12 مسافر شہید، 31 زخمی

کابل (ڈیلی اردو/ نیوز ایجنسی) افغانستان کے صوبے قندہار کے مصروف ترین شاہراہ پر زور دار بم دھماکا ہوا ہے جس کے نتیجے میں خواتین اور بچوں سمیت 12 مسافر شہید اور 31 زخمی ہوگئے۔

افغان نیوز ایجنسی خامہ پریس کے مطابق افغانستان کے شہر قندھار کی مصروف شاہراہ کے کنارے نصب بم دھماکے میں 12 مسافر شہید اور 31 زخمی ہوگئے۔  دھماکے کے وقت ایک ٹرک سڑک سے گزر رہا تھا جس میں 43 مسافر سوار تھے۔

ریسکیو اداروں نے بم دھماکے میں شہید اور زخمی ہونے والوں کو قریبی ہسپتال منتقل کیا جہاں 7 زخمیوں کی حالت نازک بتائی جارہی ہے۔ شہید اور زخمی ہونے والوں میں خواتین اور بچے بھی شامل ہیں۔

قندھار پولیس چیف تادین خان اچکزئی نے دعویٰ کیا ہے کہ بم دھماکا طالبان کی جانب سے کیا گیا ہے تاہم طالبان کی جانب سے کسی قسم کا بیان سامنے نہیں آیا۔

#Taliban chose more violence and caused more civilian deaths & injuries today. A civilian truck was hit by a roadside IED today in Darzab on road between Khakrez & #Kandahar. 9 civilians dead and 34 injured. The dead and wounded include men, women and children. @hrw @UNAMAnews

— Tadin Khan Achakzai (@TadinKhan) July 15, 2019

ادھر قطر کے دارالحکومت دوحہ میں افغان امن مذاکرات کے باوجود افغانستان میں طالبان کی جانب سے دھماکوں کا سلسلہ جاری ہے۔