اقوام متحدہ کے سیکریٹری جنرل کا یوکرین کا دورہ، جنگی جرائم کی تفتیش کی حمایت

کیف (ڈیلی اردو/نیوز ایجنسیاں) اقوام متحدہ کی سیکریٹری جنرل اینٹونیو گئیٹرس نے جمعرات کے روز یوکرین کے دارالحکومت کیف کا دورہ کیا اور صدر ولادومیر زیلنسکی کے ساتھ مذاکرات سے پہلے کہا ہے کہ لڑائی میں سب سے زیادہ قیمت شہری آبادی کو دینی پڑتی ہے،۔

"The war is an absurdity in the 21st century. The war is evil."

In Ukraine, @antonioguterres says war is unacceptable and stresses that civilians are paying the highest price. https://t.co/DrCucY7eEv pic.twitter.com/DsTCCBERJg

— United Nations (@UN) April 28, 2022

گئیٹرس نے جن علاقوں کا دورہ کیا ان میں بورودیانکا اور ارپین کے ساتھ ساتھ بوچا بھی شامل ہے، جہاں ایک ماہ قبل روسی افواج کے انخلا کے بعد شہریوں کی لاشیں برآمد ہوئی ہیں۔

لاشیں برآمد ہونے کے بعد ممکنہ جنگی جرائم کی تفتیش کا معاملہ سامنے آیا اور گئیٹرس نے جمعرات کو روس پر زور دیا کہ وہ فوجداری جرائم کی بین الاقوامی عدالت سے چھان بین کے معاملے پر تعاون کرے۔

گئیٹرس نے کہا کہ میں آئی سی سی کی مکمل حمایت کرتا ہوں اور روسی فیڈریشن سے اپیل کرتا ہوں کہ وہ تفتیش کو قبول کرتے ہوئے آئی سی سی سے تعاون کریں۔ لیکن، جب ہم جنگی جرائم کے بارے میں بات کرتے ہیں تو ہم یہ بات نہیں بھولتے کہ لڑائی بدترین جنگی جرائم کا سبب بنتی ہے۔

War is evil. pic.twitter.com/LUKYqLTnyB

— António Guterres (@antonioguterres) April 28, 2022

یوکرین پہنچنے کے بعد عالمی ادارے کے سربراہ نے کہا کہ وہ انسانی ہمدردی کی بنیاد پر حمایت کرنا اور تنازع کے علاقوں سے شہری آبادی کے انخلا کو وسعت دینا چاہتے ہیں، جن امور پر وہ اس ہفتے کے اوائل میں روسی صدر ولادیمیر پوٹن اور وزیر خارجہ سرگئی لاوروف سے بات چیت کر چکے ہیں۔

ایک ٹوئیٹ میں گئیٹرس نے کہا کہ یہ لڑائی جتنی جلد ختم ہو بہتر ہوگا، جو بات یوکرین، روس اور دنیا کے لیے ضروری ہے۔