امارات کے صدارتی محل میں پہلی بار اسرائیل کا جھنڈا لہرا دیا گیا

ابوظہبی (ڈیلی اردو) متحدہ عرب امارات کی تاریخ میں پہلی بار صدارتی محل میں اسرائیل کا جھنڈا لہرا دیا گیا۔

عرب میڈیا کے مطابق متحدہ عرب امارات میں تعینات اسرائیل کے پہلے سفیر عامر ہائیک کی آمد پر صدارتی محل میں ایک تقریب منعقد کی گئی جس میں صدارتی گارڈز نے اسرائیلی سفیر کو گارڈ آف آنر بھی پیش کیا۔

اس موقع پر صدارتی محل میں اسرائیل کے قومی ترانے کی دھن بھی بجائی گئی اور امارات کی تاریخ میں پہلی بار اسرائیل کا جھنڈا لہرایا گیا۔ تقریب میں متحدہ عرب امارات کے اعلیٰ سطح کے حکام بھی موجود تھے۔

Historic !! ????????????????
.
Israel flag hoisted for the first time ever at Qasr Al Watan (The UAE Presidential Palace) …Israeli national anthem being played at Qasr Al Watan … and UAE Presidential Guards present guard of honor ! @HayekAmir @AmbAlKhaja pic.twitter.com/REcrVhJ8HD

— حسن سجواني ???????? Hassan Sajwani (@HSajwanization) November 16, 2021

متحدہ عرب امارات اور اسرائیل کے درمیان تجارتی اور سفارتی تعلقات مکمل طور پر بحال ہوگئے ہیں۔ اسرائیل کی سب سے بڑی اسلحہ ساز کمپنی نے بھی امارات میں اپنی شاخ کا افتتاح کردیا ہے۔

سابق امریکی صدر ڈونلڈ ٹرمپ کے دور میں ان کے مشیر اور داماد کی ثالثی کے نتیجے میں متحدہ عرب امارات اور بحرین سمیت 5 ممالک نے اسرائیل کے ساتھ سفارتی اور تجارتی تعلقات بحال کرلیے ہیں۔

متحدہ عرب امارات نے بھی اسرائیل میں اپنا سفارتی دفتر کھول لیا ہے اور دونوں ممالک کے درمیان پروازوں کا سلسلہ بھی جاری ہے۔