امریکا نے حماقت کی تو منہ توڑ جواب دیں گے, ایرانی سپریم لیڈر خامنہ ای

تہران (نمائندہ ڈیلی اردو) ایران کے سپریم لیڈر آیت اللہ علی خامنہ ای نے خبردار کیا ہے کہ اگر امریکا نے ایران کے خلاف کوئی حماقت کی تو اسے سخت جواب دیا جائے گا۔

جمعہ کے اجتماع سے خطاب میں آیت اللہ خامنہ ای نے کہا کہ امریکیوں کو یہ سمجھ لینا چاہیے کہ ایران کو دھمکیاں دے کر وہ کچھ حاصل نہیں کر سکتے۔ انہوں نے مزید کہا کہ امریکی اور یورپی ممالک خطے میں استعماری طاقتوں کے خلاف مزاحمت کرنے والی تنظیموں کو ایران کی پراکسی قرار دے کر توہین کرتے ہیں، حالانکہ ایران کو کسی پراکسی کی ضرورت نہیں۔

ایرانی سپریم لیڈر نے زور دیا کہ اگر امریکا نے ایران کے خلاف کوئی بھی جارحیت کی تو اسے منہ توڑ جواب دیا جائے گا۔