امریکا کا حزب اللہ کے فنانسرز کے معلومات پر 10 ملین ڈالر انعام کا اعلان

واشنگٹن (ڈیلی اردو) امریکا نے لبنان میں حزب اللہ کے دو مالی معاونین کے بارے میں معلومات فراہم کرنے پر 10 ملین ڈالر کے انعام کا اعلان کیا ہے۔

امریکی محکمہ خارجہ کے انعامات برائے انصاف پروگرام نے کہا ہے کہ وہ “علی سعادہ” اور “ابراہیم طاہر” کی سرگرمیوں کے بارے میں معلومات دینے والے افراد کو دس ملین ڈالر انعام دیں گے۔ یہ دونوں افراد بین الاقوامی دہشت گردوں کی فہرست میں شامل ہیں۔

ماذا تعرف عن الممولين لحزب الله علي سعادة وإبراهم طاهر المصنفين كإرهابيين دوليين وعن شركاتهما وزملائهما؟

أرسل معلوماتك إلينا! قد تكون مؤهلا للحصول على مكافأة. pic.twitter.com/d9Kfr2tDHz

— Rewards for Justice عربي (@Rewards4Justice) January 9, 2023

ان کی کمپنیوں اور ان کے ساتھیوں کے بارے میں معلومات دینے والوں کو خطیر رقم کے انعام سے نوازا جائے گا۔

چند ماہ قبل امریکی محکمہ خارجہ نے اعلان کیا تھا کہ وہ لبنانی حزب اللہ ملیشیا کے فنانسرز کے بارے میں معلومات فراہم کرنے والے شخص کو 10 ملین ڈالر فراہم کرے گا۔

وزارت کے “انصاف کے لیے انعامات” اکاؤنٹ نے ٹوئٹر کے ذریعے کہا کہ یہ انعام ہر اس شخص کو دیا جائے گا جو حسیب حدوان اور علی الشاعر کے بارے میں معلومات فراہم کرے گا۔

امریکی حکام کا کہنا ہے کہ حسیب حدوان اور علی الشاعر حزب اللہ کے لیے بیرون ملک فنڈز جمع کرنے کے ذمہ دار ہیں۔ حدوان ملیشیا کے جنرل سیکریٹریٹ میں ایک اعلیٰ عہدیدار ہے۔

علی الشاعر حزب اللہ کے جنرل سیکرٹریٹ میں حسیب حدوان کے دفتر کے ڈائریکٹر ہیں۔یہ بات قابل ذکر ہے کہ امریکی محکمہ خارجہ نے اس سے قبل ایسے ہی مالی انعامات کا اعلان کیا تھا۔