امریکہ-اسرائیل ایران کو دباؤ میں لا کر جھکانے کی کوشش کر رہے ہیں، مجتبیٰ خامنہ ای

تہران (ڈیلی اردو) ایران کے سپریم لیڈر مجتبیٰ خامنہ ای نے کہا ہے کہ امریکہ اور اسرائیل ایران کو غیر مستحکم کرنے کی کوشش کر رہے ہیں۔

ایرانی میڈیا نے مجتبیٰ خامنہ ای سے منسوب ایک تحریری پیغام شائع کیا ہے جس میں کہا گیا ہے کہ امریکہ اور اسرائیل شکست کے بعد ایران کو دباؤ میں لا کر گھٹنے ٹیکنے پر مجبور کرنے کی کوشش کر رہے ہیں۔

تحریر میں مجتبیٰ خامنہ ای نے ایرانی قوم میں اتحاد اور ہم آہنگی برقرار رکھنے پر زور دیا اور پارلیمنٹ کو ہدایت کی کہ وہ معیشت، روزگار، مہنگائی میں کمی اور پیداوار میں اضافے جیسے بنیادی مسائل پر توجہ دے۔

پیغام کے مطابق ایران اس وقت معاشی دباؤ اور کساد بازاری کا سامنا کر رہا ہے، جبکہ صنعتی انفراسٹرکچر کو نقصان، انٹرنیٹ کی بندش اور مہنگائی نے عوام کی مشکلات میں اضافہ کیا ہے۔