ایران-امریکہ کشیدگی: جنگ کے خاتمے کیلئے پاکستانی قیادت کے اہم دورے

اسلام آباد (ڈیلی اردو) پاکستان کے فوجی سربراہ اور وزیراعظم نے ایران کی جنگ ختم کرنے کی کوششوں کے سلسلے میں اپنے الگ الگ دورے مکمل کر لیے ہیں۔ فیلڈ مارشل عاصم منیر تہران جبکہ وزیراعظم شہباز شریف ترکی کا دورہ کر رہے تھے۔

پاکستانی فوج کے بیان کے مطابق جنرل منیر نے تہران کے تین روزہ دورے کے دوران ایرانی قیادت اور امن مذاکرات کاروں سے ملاقاتیں کیں۔ خیال رہے کہ امریکہ اور ایران کے درمیان مذاکرات کا دوسرا دور آئندہ ہفتے اسلام آباد میں متوقع ہے۔

اسی دوران ایران نے آج ہفتے کے روز اپنی فضائی حدود کا ایک حصہ بین الاقوامی پروازوں کے لیے دوبارہ کھول دیا ہے، جو اس کے مشرقی علاقے سے گزرتی ہیں۔ 

ایرانی سول ایوی ایشن اتھارٹی نے بتایا، ’’ ملک کے مشرقی حصے کی فضائی گزرگاہیں ٹرانزٹ پروازوں کے لیے کھلی ہیں۔‘‘ مزید کہا گیا کہ کچھ ایئرپورٹس بھی صبح 7:00 بجے دوبارہ فعال کر دیے گئے ہیں۔