ایرانی عوام کے حقوق کے تحفظ تک امریکہ سے کوئی معاہدہ قبول نہیں، باقر قالیباف

تہران (ڈیلی اردو) ایرانی پارلیمنٹ کے سپیکر محمد باقر قالیباف نے کہا ہے کہ ایران دشمن کے وعدوں اور بیانات پر بھروسہ نہیں کرتا اور کسی بھی معاہدے کو اس وقت تک قبول نہیں کرے گا جب تک ایرانی عوام کے حقوق کے حصول کی مکمل یقین دہانی نہ ہو جائے۔

ایرانی میڈیا کے مطابق قالیباف نے پارلیمنٹ کے ورچوئل اجلاس سے خطاب کرتے ہوئے کہا کہ ایران کے لیے صرف عملی اور ٹھوس نتائج اہم ہیں، جبکہ انہوں نے ملکی اتحاد برقرار رکھنے اور بیرونی دباؤ کا مقابلہ کرنے پر بھی زور دیا۔

قالیباف کا کہنا تھا کہ جنگ کے نئے مرحلے میں دشمن فوجی ناکامی کا ازالہ معاشی دباؤ اور میڈیا مہمات کے ذریعے کرنا چاہتا ہے، تاہم ایرانی قوم اس صورتحال کی حساسیت کو سمجھتی ہے۔