باجوڑ میں دھماکا، دو افراد ہلاک، داعش نے ذمہ داری قبول کرلی

خار (ڈیلی اردو) صوبہ خیبر پختونخوا کے قبائلی باجوڑ کے علاقے ڈما ڈولہ میں نصب بم پھٹنے سے موٹر سائیکل سوار دو افراد ہلاک ہوگئے۔

باجوڑ پولیس حکام کا کہنا ہے کہ ریموٹ کنٹرول بم دھماکا تھانہ واڑہ ماموند کی حدود ڈمہ ڈولہ خوڑ کے مقام پر ہوا۔

باجوڑ ۔ بم دھماکہ میں شہید ہونے والا الطاف حسین ، عنایت کلے بازار میں کپڑے کا تاجر تھا ، دکان سے چھٹی کے بعد گھر جا رہا تھا کہ سڑک کے کنارے نصب بم سے موٹر سائیکل ٹکرایا گیا اور موقع پر ہی موت واقع ہوگئی ۔ پولیس ذرائع https://t.co/F6qDgA99yo pic.twitter.com/XhdoeFdgsy

— Bilal Yasir (@BilalYasirBjr) September 7, 2023

پولیس حکام کے مطابق دھماکے میں الطاف حسین نامی شخص ہلاک اور ایک دوسرا زخمی ہوگیا۔

دھماکے کے بعد لاش اور زخمی کو ہسپتال منتقل کیا گیا۔ تاہم دوسرا زخمی صلاح الدین بھی زخموں کا تاب نہ لاتے ہوئے چل بسا ۔

باجوڑ ، ڈمہ ڈولہ بم دھماکے کا دوسرا زخمی صلاح الدین بھی زخموں کا تاب نہ لاتے ہوئے چل بسا ۔ pic.twitter.com/ShbJmGgtUT

— Bilal Yasir (@BilalYasirBjr) September 8, 2023

دوسری جانب داعش خراسان نے دھماکے کی ذمہ داری قبول کرلی۔